Sunday July 23, 2017
Latest Updates

അയര്‍ലണ്ടിലെ കലാസ്വാദകര്‍ക്ക് വിരുന്നൊരുക്കാന്‍ ‘തൈക്കൂടം ബ്രിഡ്ജ് വരുന്നു,മറക്കേണ്ട നവംബറിലെ ആ രണ്ടു തീയതികള്‍….

അയര്‍ലണ്ടിലെ കലാസ്വാദകര്‍ക്ക് വിരുന്നൊരുക്കാന്‍ ‘തൈക്കൂടം ബ്രിഡ്ജ് വരുന്നു,മറക്കേണ്ട നവംബറിലെ ആ രണ്ടു തീയതികള്‍….

ഡബ്ലിന്‍ : ആസ്വാദകരെ സംഗീതത്തിന്റെ ഒരു പുതുലോകത്തേക്ക് കൂട്ടിക്കൊണ്ടുപോയി ചിന്തിപ്പിക്കുകയും ചിരിപ്പിക്കുകയും കരയിപ്പിക്കുകയും ഒക്കെ ചെയ്ത് അരങ്ങില്‍ വിസ്മയം തീര്‍ക്കുന്ന തൈക്കൂടം ബ്രിഡ്ജ്. അയര്‍ലണ്ടിലേക്ക്.

ഇന്ത്യയിലെ മികച്ച ബാന്‍ഡായി മാറിയ തൈക്കൂടം ബ്രിഡ്ജ് ഷോ സൌത്ത് ഇന്ത്യയിലും മിഡില്‍ ഈസ്‌റിലും,യൂകെയിലും,ഓസ്‌ട്രേലിയയിലും നിരവധി ഷോകള്‍ ഇതിനോടകം കാഴ്ചവച്ചു കഴിഞ്ഞു.

നവംബര്‍ 10 ന് ദ്രോഗഡയിലും,നവംബര്‍ 11ന് ഡബ്ലിനിലുമാണ് തൈക്കൂടം ബ്രിഡ്ജിന്റെ ലൈവ് കണ്‍സേര്‍ട്ട് ഒരുക്കുന്നതെന്ന് ഷോയുടെ അയര്‍ലണ്ടിലെ ഇവന്റ് മാനേജരായ ബിജു ജോസഫ് അറിയിച്ചു.

ഗോവിന്ദ് മേനോന്‍, സിദ്ധാര്‍ഥ് മേനോന്‍ എന്നീ സഹോദരന്മാര്‍ ചേര്‍ന്നു രൂപം കൊടുത്ത തൈക്കൂടം ബ്രിഡ്ജ് എന്ന ഇന്ത്യന്‍ മ്യൂസിക് ബാന്‍ഡ് ചുരുങ്ങിയ കാലംകൊണ്ടുതന്നെ ലോകമെങ്ങുമുള്ള പുതു തലമുറ സംഗീത പ്രേമികള്‍ക്കിടയില്‍ വന്‍ തരംഗം ആയി മാറി. തൈക്കൂടം ബ്രിഡ്ജിന്റെ ഫിഷ് റോക്ക്, ശിവ, ചത്തെ എന്നീ ആല്‍ബങ്ങള്‍ സോഷ്യല്‍ മീഡിയയിലും യുടൂബിലും വൈറല്‍ ഹിറ്റ് ആയി മാറി. തൈക്കൂടം ബ്രിഡ്ജിന്റെ വന്‍ ഹിറ്റുകളായ ഫിഷ് റോക്കും ഇംഗ്‌ളീഷ്, മലയാളം, തമിഴ്, ഹിന്ദി ഭാഷകളിലെ ഹിറ്റ് ഗാനങ്ങളുമായി വേറിട്ട ശൈലിയില്‍ പെര്‍ഫൊം ചെയ്യുന്ന പ്രശസ്ത കലാകാരന്മാരാണ് ഈ ഷോയില്‍ പങ്കെടുക്കുന്നത്.

മ്യൂസിക് മോജോ എന്ന പ്രശസ്ത ഷോയിലും ഏറ്റവുമധികം ആരാധകരുള്ള ബാന്‍ഡ് ആണ് തൈക്കൂടം ബ്രിഡ്ജ്. ഫേസ്ബുക്കില്‍ ആറു ലക്ഷത്തോളം ആരാധകരുള്ള ഇവരുടെ പാട്ടുകള്‍ യൂടൂബില്‍ 25 ലക്ഷം ആളുകള്‍ കണ്ടു കഴിഞ്ഞു.

രാജ്യത്തിന്റെ വിവിധ ഭാഗങ്ങളില്‍ വിവിധ മേഖലകളില്‍ പ്രവര്‍ത്തിച്ചിരുന്ന 18 പ്രഫഷണലുകള്‍ സംഗീതം എന്ന ഒറ്റ വികാരത്തില്‍ ഒന്നിച്ചു ചേര്‍ന്നപ്പോള്‍ ലോകമെങ്ങുമുള്ള സംഗീത പ്രേമികള്‍ക്കു തൈക്കൂടം ബ്രിഡ്ജ് എന്ന മികച്ച ബാന്‍ഡ് പിറന്നു.

മാന്ത്രിക സംഗീതത്തിന്റെ ലയതാളങ്ങളിലേക്ക് വൈഭവമുണര്‍ത്തുന്ന ‘തൈക്കൂടം ബ്രിഡ്ജിന്റെ ‘ പ്രവേശന ടിക്കറ്റ് അയര്‍ലണ്ടില്‍ എല്ലാ സ്ഥലങ്ങളിലും ലഭ്യമാക്കുമെന്ന് സംഘാടകര്‍ അറിയിച്ചു.

Scroll To Top