Saturday December 03, 2016
Latest Updates

കരുണയുടെ ധ്യാനത്തിന്റെ ഓണ്‍ലൈന്‍ രജിസ്‌ട്രേഷന്‍ തുടരുന്നു,ഉദ്ഘാടനത്തിന് മാര്‍പാപ്പയുടെ പ്രതിനിധിയെത്തും

കരുണയുടെ ധ്യാനത്തിന്റെ ഓണ്‍ലൈന്‍ രജിസ്‌ട്രേഷന്‍ തുടരുന്നു,ഉദ്ഘാടനത്തിന് മാര്‍പാപ്പയുടെ പ്രതിനിധിയെത്തും

ഡബ്ലിന്‍: ഡബ്ലിന്‍ സീറോ മലബാര്‍ സഭയുടെ ആഭിമുഖ്യത്തില്‍ പ്രശസ്ത ധ്യാനഗുരുവും, മൗനം,ദൈവം പെയ്തിറങ്ങുന്നു,പ്രകാശത്തിന്റെ നിഴല്‍ എന്നി കൃതികളുടെ രചയിതാവും,കൊല്ലം സാന്‍പിയോ കപ്പൂച്ചിന്‍ ധ്യാന കേന്ദ്രത്തിന്റെ ഡയറക്ടറുമായ ഫാ.ഡാനി കപ്പൂച്ചിന്‍ നയിക്കുന്ന കരുണയുടെ ധ്യാനം ബ്ലാഞ്ചാര്‍ഡ്‌സ്‌ടൌണ്‍, ക്ലോണി, ഫിബ്ബിള്‍സ്‌ടൌണ്‍കമ്മ്യൂണിറ്റി സെന്റെറില്‍ ഒക്ടോബര്‍ 29,30,31(ശനി, ഞായര്‍, തിങ്കള്‍) ദിവസങ്ങളില്‍ നടത്തപ്പെടുന്നു.

‘കരുണയുടെ ധ്യാന’ത്തിന്റേയും നവംബര്‍1ന് (ചൊവ്വ)നടത്തപെടുന്ന ഏകദിന യുവജന കണ്‍വെന്‍ഷന്റെയും ഒരുക്കങ്ങള്‍ ദ്രുതഗതിയില്‍ പുരോഗമിക്കുന്നു.

‘കരുണയുടെ ധ്യാന’ത്തിന്റെ ഉത്ഘാടനം 29 ന് ശനിയാഴ്ച രാവിലെ 10 മണിക്ക് അയര്‍ലണ്ടിന്റെ അപ്പസ്‌തോലിക് ന്യൂണ്‍ ഷോ ആര്‍ച്ച് ബിഷപ്പ് ചാള്‍സ് ജോണ്‍ ബ്രൗണ്‍ തിരി തെളിയിച്ചു നിര്‍വഹിക്കുന്നതാണ്. സീറോ മലബാര്‍ സഭയുടെ അയര്‍ലണ്ടിലെ നാഷണല്‍ കോ-ഓര്‍ഡിനേറ്ററായ മോണ്‍.ആന്റണി പെരുമായന്‍ തദവസരത്തില്‍ സന്നിഹിതനായിരിക്കും.

എല്ലാ ദിവസവും രാവിലെ 9.00 മുതല്‍ 5.30 വരെയാണ് ധ്യാനശുശ്രുഷകള്‍.

8 വയസു മുതല്‍ 12 വയസു വരെയുള്ള കുട്ടികളുടെ ധ്യാനം LITTLE PACE CHURCH , CLONEE യില്‍ വച്ചാണ് നടത്തപ്പെടുന്നത്. Phibblestown ല്‍ നിന്നും little pace church ലേക്ക് പ്രത്യേക ബസ് സൗകര്യം ഉണ്ടായിരിക്കും .മുതിര്‍ന്ന കുട്ടികളുടെ ധ്യാനം Phibblestown ലെ തന്നെ മറ്റു ഹാളുകളില്‍ നടത്തപ്പെടുന്നതാണ്.അയര്‍ലണ്ടിലെ ജീസ്സസ് യൂത്തിന്റെ നേതൃത്വത്തിലാണ് കുട്ടികളുടെ ധ്യാനംനടത്തപ്പെടുന്നത്.

ധ്യാനത്തിന്റെ സുഗമമായ നടത്തിപ്പിനായി സഭയുടെ വെബ്‌സൈറ്റായ http://www.syromalabar.ie ല്‍ online registration സൗകര്യം ലഭ്യമാണ്. 2 മിനുട്ടില്‍ താഴെ സമയം കൊണ്ട് ഒരു കുടുംബത്തിന്റെ ഓണ്‍ലൈന്‍ റെജിസ്‌ട്രേഷന്‍നടത്താവുന്നതാണ്. ഓണ്‍ലൈന്‍ റെജിസ്‌ട്രേഷന്‍നടത്തിയവര്‍ക്ക് ഒരു റഫറന്‍സ് നമ്പര്‍ ഇ-മെയിലില്‍അപ്പോള്‍ത്തന്നെ ലഭിക്കും ഈ നമ്പര്‍ ഉള്ളവര്‍ക്ക് ധ്യാന സ്ഥലത്തു രജിസ്‌ട്രേഷന്റെ തിരക്ക് ഒഴിവാക്കാവുന്നതാണ്.

ധ്യാനപരിപാടികള്‍ വിവിധ പ്രായപരിധിയിലുള്ളവര്‍ക്കായി തരംതിരിച്ചിരിക്കുന്നതിനാല്‍ അതിനനുസരിച്ചുള്ള ക്രമീകരണങ്ങള്‍ നടത്തേണ്ടതിനായി,പങ്കെടുക്കുന്നവര്‍ എത്രയുംവേഗം രജിസ്റ്റര്‍ ചെയ്യേണ്ടതാണെന്ന് സിറോമലബാര്‍സഭയുടെ ഡബ്ലിന്‍ചാപ്ലൈന്സ് ഫാ.ജോസ് ഭരണികുളങ്ങര,ഫാ. ആന്റണിചീരംവേലില്‍,ബിനു ആന്റണി (Retreat Program Co-ordinator) എന്നിവര്‍ അറിയിച്ചു .
വാര്‍ത്ത : കിസ്സാന്‍തോമസ് (PRO)

Scroll To Top