Thursday December 08, 2016
Latest Updates

ഊര്‍ജ്ജ്വസ്വലരാകാന്‍ 9 ഭക്ഷണശീലങ്ങള്‍

ഊര്‍ജ്ജ്വസ്വലരാകാന്‍ 9 ഭക്ഷണശീലങ്ങള്‍

നിങ്ങള്‍ എപ്പോഴും ക്ഷീണിതരാണോ? എങ്കിലിതാ ഊര്‍ജ്ജസ്വലരായിരിക്കാന്‍ ഈ 9 ഭക്ഷണശീലങ്ങള്‍ പരീക്ഷിച്ചുനോക്കൂ. ന്യൂട്രീഷനിസ്റ്റും ‘ദി ആന്റ് ഏജിങ് ഫുഡ് ആന്‍ഡ് ഫിറ്റ്‌നസ് പ്ലാന്‍’ എന്ന പുസ്തകത്തിന്റെ രചയിതാവുമായ റിക്ക് ഹേ ആണ് ഇവ നിര്‍ദ്ദേശിക്കുന്നത്.

1. വാഴപ്പഴവും അല്‍മോണ്ട് ബട്ടറും
കാര്‍ബോഹൈഡ്രേറ്റ്, പ്രോട്ടീന്‍ എന്നിവയാല്‍ സമൃദ്ധമാണ് ഈ കോമ്പിനേഷന്‍. ഫ്രൂട്ട് ഷുഗര്‍, മഗ്‌നീഷ്യം, അമിനോ ആസിഡ്‌സ് എന്നിവയാണ് വാഴപ്പഴത്തില്‍ നിന്നു ലഭിക്കുക. വൈറ്റമിന്‍ ബി, പ്രോട്ടീന്‍ എന്നിവ അല്‍മോണ്ട് ബട്ടറില്‍ നിന്നും ലഭിക്കും. പൊട്ടാസ്യം, ട്രിപ്‌റ്റോഫാന്‍ എന്നിവയും ഇവയില്‍ നിന്നു ലഭിക്കും. ഇവ എനര്‍ജി നല്‍കുകയും മൂഡ് നന്നാകാന്‍ സഹായിക്കുകയും ചെയ്യും.

2. സ്വീറ്റ് പൊട്ടറ്റോ
ശരീരത്തില്‍ ഗ്ലൂക്കോസ് നിലനിര്‍ത്താന്‍ സ്വീറ്റ് പൊട്ടറ്റോ സഹായിക്കും. ഫൈബര്‍ ധാരാളമായി ഉള്ള സ്വീറ്റ് പൊട്ടറ്റോ എനര്‍ജി നിലനിര്‍ത്താന്‍ സഹായിക്കുന്നതിനു പുറമെ ഭാരക്കുറവിനെയും പ്രതിരോധിക്കും. വൈറ്റമിന്‍ സി, ബീറ്റ കരോട്ടിന്‍, മഗ്‌നീഷ്യം, അയണ്‍ എന്നിവയും ലഭിക്കും. ഇതിലെ പൊട്ടാസ്യത്തിന്റെ ഗുണം ബ്ലഡ് പ്രഷര്‍ കുറയാനും, എക്‌സര്‍സൈസ് ചെയ്യുമ്പോള്‍ ഇലക്ട്രോലൈറ്റ്‌സ് ബാലന്‍സ് ചെയ്യാനും സഹായിക്കും.

3. സ്പിനാച്ച് (Spinach)
അയണ്‍, മഗ്‌നീഷ്യം, പൊട്ടാസ്യം എന്നിവ ലഭിക്കാന്‍ ഉത്തമമാണ് സ്പിനാച്ച് . കോശങ്ങള്‍ക്ക് ഊര്‍ജ്ജം ലഭിക്കാന്‍ മഗ്‌നീഷ്യം സഹായിക്കും. നല്ല ഉറക്കം നല്‍കാനും മഗ്‌നീഷ്യത്തിനു കഴിയും. മസിലുകളുടെ ആയാസം കുറയ്ക്കാനും, കണ്ണുകളുടെ ക്ഷീണമകറ്റാനും, കാലുകള്‍ക്ക് ശക്തി പകരാനും സ്‌പൈനാഷ് സഹായിക്കും. ഇംഗ്ലിഷ് സ്‌പൈനാഷാണ് ഉത്തമം.

4. നട്ട്‌സ് (Nuts)
ഫാറ്റ്, ഫൈബര്‍, പ്രോട്ടീന്‍ എന്നിവ ലഭിക്കാന്‍ ഉത്തമമാണ് നട്ട്‌സ്. പതിയെ മാത്രം ദഹിക്കുന്നതിനാല്‍ ഏറെനേരം എനര്‍ജി നിലനിര്‍ത്താന്‍ ഇവ സഹായിക്കും. ബി ഗ്രൂപ്പ് വൈറ്റമിന്‍സ്, അയണ്‍, സിങ്ക്, പൊട്ടാസ്യം, മഗ്‌നീഷ്യം എന്നിവയും നട്ട്‌സ് നല്‍കുന്നു. ഇവയിലെ ആന്റ് ഓക്‌സഡന്റ് മിനറല്‍സ് (സെലേനിയം, മാംഗനീസ്, കോപ്പര്‍ തുടങ്ങിയവ) ശരീരത്തിന്റെ പ്രതിരോധശേഷി വര്‍ദ്ധിപ്പിക്കാനും സഹായിക്കുന്നു. വാല്‍നട്ട്‌സ്, ബ്രസീല്‍ നട്ട്‌സ്, ആല്‍മണ്ട്‌സ് എന്നിവയാണ് നട്ട്‌സില്‍ ഏറ്റവും നല്ലത്.

5. ഓര്‍ഗാനിക് എഗ്ഗ്‌സ്
ഓര്‍ഗാനിക് എഗ്ഗ്‌സ് ശരീരത്തിന് ഏറെ പ്രോട്ടീന്‍ നല്‍കുന്നു. കൂടാതെ അമിനോ ആസിഡ്‌സ്, വൈറ്റമിന്‍ ബി5 എന്നിവയുടെ കലവറയുമാണ് ഇവ. മസില്‍ ഉറപ്പിക്കുക, വിശപ്പ് ശമിപ്പിക്കുക എന്നിവയ്ക്കും ഇവ സഹായിക്കും.

6. തേന്‍ (Honey)
കാര്‍ബോഹൈഡ്രേറ്റുകളാല്‍ സമൃദ്ധമാണ് തേന്‍. തേനിലെ ഗ്ലൈക്കോജന്‍ മസിലുകള്‍ ക്ഷീണിക്കാതിരിക്കാന്‍ സഹായിക്കും. കൂടാതെ തേന്‍ വഴി ലഭിക്കുന്ന ഗ്ലൂക്കോസ് ശരീരത്തെ പെട്ടെന്ന് ഊര്‍ജ്ജസ്വലമാക്കുകയും, ഫ്രക്ടോസ് ഊര്‍ജ്ജം ഏറെ നേരം നിലനിര്‍ത്തുകയും ചെയ്യും. രാവിലെയോ ഉച്ചയ്ക്ക് ശേഷമോ ഹെര്‍ബല്‍ ടീക്കൊപ്പം ഒരു ടീസ്പൂണ്‍ തേന്‍ ചേര്‍ക്കാവുന്നതാണ്.

7. കൂണ്‍ (Mushrooms)
ക്ഷീണത്തെ ചെറുക്കുന്ന അയണ്‍ കൂണുകളില്‍ ധാരാളമായുണ്ട്. ശരീരത്തിലാകെയുള്ള ഓക്‌സിജന്റെ സഞ്ചാരത്തെയും അവ സഹായിക്കും. കൂണുകളുപയോഗിച്ച് സാലഡ്, സൂപ്പ് തുടങ്ങിയ വിഭവങ്ങള്‍ ഉണ്ടാക്കാം. വൈറ്റമിന്‍ ഡി, ബി12 എന്നിവയും കൂണുകല്‍ നിന്ന് ലഭിക്കും. കോശത്തിന്റെ പവര്‍ഹൗസ് എന്നറിയപ്പെടുന്ന മൈറ്റോകോണ്‍ട്രിയയെ കൂണ്‍ സംരക്ഷിക്കുകയും ചെയ്യുന്നു.

8. സണ്‍ഫ്‌ലവര്‍, മത്തങ്ങ, ചിയ വിത്തുകള്‍
മിനറല്‍സ്, ഫൈബര്‍, ശരീരത്തിനാവശ്യമായ ആസിഡുകള്‍ എന്നിവ നല്‍കാന്‍ ഈ വിത്തുകള്‍ക്ക് കഴിയും. പ്രോട്ടീനും ഇവയില്‍ നിന്നും ലഭിക്കും. വെള്ളം കുടിക്കുമ്പോള്‍ ഒരു ടീസ്പൂണ്‍ ചിയാ സീഡ് ഇടുന്നത് എക്‌സര്‍സൈസ് ചെയ്യുമ്പോള്‍ ക്ഷീണം കുറയ്ക്കാന്‍ സഹായിക്കും.

9. സാല്‍മണ്‍ (Salmon)
എനര്‍ജി ലഭിക്കാനും, തലച്ചോര്‍ ശരിയായ രീതിയില്‍ പ്രവര്‍ത്തിക്കാനും സാല്‍മണില്‍ നിന്നു ലഭിക്കുന്ന ഒഒമേഗ 3, വൈറ്റമിന്‍ ബി എന്നിവ സഹായിക്കും. ബ്രൗണ്‍ റൈസിനും സ്‌പൈനാഷിനുമൊപ്പം സാല്‍മണ്‍ ചേര്‍ത്ത് വിഭവമുണ്ടാക്കാം.

Scroll To Top