Wednesday December 07, 2016
Latest Updates

എമിറേറ്റ്‌സ് ഓണ്‍ ലൈന്‍ ചെക്ക് ഇന്‍ സൗകര്യം 48 മണിക്കൂര്‍ മുമ്പാകാം

എമിറേറ്റ്‌സ് ഓണ്‍ ലൈന്‍ ചെക്ക് ഇന്‍ സൗകര്യം  48 മണിക്കൂര്‍ മുമ്പാകാം

കൊച്ചി: ടിക്കറ്റ് ബുക്ക് ചെയ്തവര്‍ക്ക് 48 മണിക്കൂര്‍ മുമ്പേ ഓണ്‍ലൈനിലൂടെ ചെക് ഇന്‍ ചെയ്യാനുള്ള സൗകര്യമൊരുക്കി എമിറേറ്റ്‌സ് എയര്‍ലൈന്‍ . എമിറേറ്റ്‌സില്‍ ടിക്കറ്റെടുത്ത യാത്രക്കാര്‍ക്ക് കമ്പ്യൂട്ടറിലൂടെയും സ്മാര്‍ട്ട് ഫോണിലൂടെയും യാത്രയ്ക്ക് 48 മണിക്കൂര്‍ മുമ്പ് മുതല്‍ 90 മിനുട്ട് മുമ്പ് വരെ ഓണ്‍ലൈന്‍ ചെക് ഇന്‍ ചെയ്യാന്‍ സൗകര്യമുണ്ടാകും. നിലവില്‍ 24 മണിക്കൂര്‍ മുമ്പ് മാത്രമാണ് ഓണ്‍ലൈന്‍ ചെക്ക് ഇന്‍ സൗകര്യം ആരംഭിക്കുന്നത്. നേരത്തെ തന്നെ ചെക് ഇന്‍ ചെയ്ത് ബോര്‍ഡിങ് പാസ് ലഭിക്കുന്നതിലൂടെ യാത്രക്കാര്‍ക്ക് സീറ്റുകള്‍ നേരത്തെ തെരഞ്ഞെടുക്കാനും വിമാനത്താവളത്തിലെ കാത്തിരിപ്പ് സമയം കുറക്കാനും സാധിക്കും.

നേരത്തെ 24 മണിക്കൂര്‍ മുമ്പ് മുതല്‍ ഓണ്‍ലൈന്‍ ചെക് ഇന്‍ ചെയ്യാനാണ് സൗകര്യമുണ്ടായിരുന്നത്.
ഓണ്‍ലൈന്‍ ചെക് ഇന്‍ ചെയ്തവര്‍ക്ക് വിമാനത്താവളത്തിലെത്തിയാല്‍ പ്രത്യേക കൗണ്ടറില്‍ ബാഗേജ് ഏല്‍പിച്ച ശേഷം നേരെ എമിഗ്രേഷനിലേക്കും സുരക്ഷാപരിശോധനക്കും പോകാം. അമേരിക്കയിലേക്കുള്ള വിമാനങ്ങളില്‍ 48 മണിക്കൂര്‍ മുമ്പ് ചെക് ഇന്‍ ചെയ്യാമെങ്കിലും 24 മണിക്കൂര്‍ മുമ്പ് മാത്രമേ ബോര്‍ഡിങ് പാസ് ലഭിക്കൂ. ഓണ്‍ലൈന്‍ ചെക് ഇന്‍ ചെയ്താല്‍ വിമാനം വൈകിയാലും മറ്റും യാത്രക്കാര്‍ക്ക് യഥാസമയം മൊബൈല്‍ ഫോണിലൂടെയും ഇമെയിലായും വിവരങ്ങള്‍ ലഭിക്കും. എമിറേറ്റ്‌സ് സ്‌കൈവാര്‍ഡ്‌സ് അംഗങ്ങള്‍ക്ക് ഉയര്‍ന്ന ക്‌ളാസുകളിലേക്കുള്ള മാറ്റവും എളുപ്പമാകും. കാര്‍ പാര്‍ക്ക് ചെക് ഇന്‍ സംവിധാനത്തില്‍ 24 മണിക്കൂര്‍ മുമ്പ് മുതല്‍ ആറ് മണിക്കൂര്‍ മുമ്പ് വരെ ലഗേജുകള്‍ നിക്ഷേപിക്കാം.

Scroll To Top