Friday March 24, 2017
Latest Updates

ഭൂമി ചെറുതാകുകയാണ് …..എന്റെ ഭൂമി ചെറുതാകുകയാണ്

ഭൂമി ചെറുതാകുകയാണ് …..എന്റെ ഭൂമി ചെറുതാകുകയാണ്


#സ്വയം ഭ്രമിച്ചു 
എന്നെ ഭ്രമണം ചെയ്തു 
ചിന്തകളില്‍ 
തേഞ്ഞു മാഞ്ഞു ….
എന്റെ ഭൂമി ചെറുതാകുകയാണ് 

സ്വപ്ന പഥങ്ങളില്‍
ധവള രൂപങ്ങള്‍ തിരഞ്ഞു 
നിശാന്ധത പുണര്‍ന്നൊരു 
ലോഹകൂടിനുള്ളില്‍ .
തീകാറ്റു വീശുമ്പോള്‍ 
സ്വയം ഭ്രമിച്ചു 
ഭ്രമണം ചെയ്തു 
നീയെന്നില്‍ തേഞ്ഞു തീരുന്നൂ 

ഭൂമി ചെറുതാകുകയാണ് 
സൂര്യ മുഖം ചുരത്തുന്ന 
ഊര്‍ജ്ജ രേണുക്കളെ 
ഉദര പാളികളില്‍ 
കടം കൊണ്ട് 
ഋതു ഭേദങ്ങളുടെ 
ചാക്രിയ ശോഭകളില്‍ 
ഉദയങ്ങള്‍ കൊതിച്ചു 

വളയാതെ പുളയാതെ 
എന്നെ വലം വച്ച് വലം വച്ച് 
എന്റെ ഭൂമി ചെറുതാകുകയാണ്.

-ബിജു അബ്രാഹം

 

Scroll To Top