Thursday December 08, 2016
Latest Updates

രാജ്യത്തെ ബാങ്കുകളിലെ കള്ളപ്പണ നിക്ഷേപവും കേന്ദ്രം പുറത്ത് കൊണ്ടുവരും

രാജ്യത്തെ ബാങ്കുകളിലെ കള്ളപ്പണ നിക്ഷേപവും കേന്ദ്രം പുറത്ത് കൊണ്ടുവരും

ന്യൂഡല്‍ഹി: വിദേശത്ത് നിന്നുള്ള കള്ളപ്പണം പിടിക്കാന്‍ കേന്ദ്രസര്‍ക്കാര്‍ തീരുമാനിച്ചതിന് പിന്നാലെ രാജ്യത്തെ ബാങ്കുകളിലെ കള്ളപ്പണ നിക്ഷേപവും തിരിച്ച് പിടിക്കുന്നു. കള്ളപ്പണം സംബന്ധിച്ച് അന്വേഷണം നടത്തുന്ന പ്രത്യേക അന്വേഷണ സംഘം ആവശ്യപ്പെടുന്ന മുറയ്ക്ക് കള്ളപ്പണക്കാരുടെ പേര് വിവരങ്ങള്‍ നല്‍കണമെന്ന് രാജ്യത്തെ ബാങ്കുകള്‍ക്കും ബാങ്കിതര ധനകാര്യ സ്ഥാപനങ്ങള്‍ക്കും റിസര്‍വ് ബാങ്ക് നിര്‍ദേശം നല്‍കി.

ജസ്റ്റിസ് എംബി ഷായുടെ നേതൃത്വത്തിലുള്ള പ്രത്യേക അന്വേഷണ സംഘമാണ് രാജ്യത്തിനകത്തെയും പുറത്തെയും കള്ളപ്പണ നിക്ഷേപം അന്വേഷിക്കുന്നത്. സ്വിറ്റ്‌സര്‍ലന്‍ഡില്‍ കള്ളപ്പണ നിക്ഷേപമുള്ള ഇന്ത്യക്കാരുടെ പേര് വിവരങ്ങള്‍ വെളിപ്പെടുത്താന്‍ ഇന്ത്യയും സ്വിസ് ഗവണ്‍മെന്റും തമ്മില്‍ ധാരണയായിരുന്നു. ഇതോടൊപ്പം ഇന്ത്യന്‍ ബാങ്കുകളിലെ കള്ളപ്പണ നിക്ഷേപകരെ കൂടി വെളിച്ചത് കൊണ്ടുവരാനാണ് കേന്ദ്ര സര്‍ക്കാര്‍ ശ്രമം.

സ്വിസ് ബാങ്കുകളില്‍ ഇന്ത്യക്കാര്‍ക്ക് 14000 കോടി രൂപ കള്ളപ്പണ നിക്ഷേപം ഉണ്ടെന്നാണ് റിപ്പോര്‍ട്ട്. 2012 ല്‍ ഇന്ത്യക്കാര്‍ക്ക് ഉണ്ടായിരുന്നതിലും 40 ശതമാനം അധികം കള്ളപ്പണ നിക്ഷേപം 2013 ല്‍ വര്‍ദ്ധിച്ചതായും റിപ്പോര്‍ട്ടുണ്ട്.

Scroll To Top