Thursday November 15, 2018
Latest Updates

തെരുവുവിളക്കുകളെ ഉപേക്ഷിക്കുന്നു…..കൃത്രിമ ചന്ദ്രനെ വിക്ഷേപിക്കാനൊരുങ്ങി ചൈന

തെരുവുവിളക്കുകളെ ഉപേക്ഷിക്കുന്നു…..കൃത്രിമ ചന്ദ്രനെ വിക്ഷേപിക്കാനൊരുങ്ങി ചൈന

ബെയ്ജിങ്: തെരുവുവിളക്കുകള്‍ക്ക് പകരമായി ദിവസവും ആകാശത്തുനിന്ന് പ്രകാശം പരത്താന്‍ ആകാശത്തുനിന്ന് പ്രകാശം പരത്താന്‍ ഒരു ‘ചന്ദ്രനെ’ തന്നെ ഒരുക്കിയാലെങ്ങനെയിരിക്കും! അത്തരത്തിലൊരു ‘കൃത്രിമ ചന്ദ്രനെ’ ആകാശത്തേക്ക് അയയ്ക്കാനൊരുങ്ങുകയാണ് ചൈന. 2020ഓടെ കൃത്രിമ ചന്ദ്രനെ വിക്ഷേപിക്കുമെന്ന് ചൈന പ്രഖ്യാപിച്ചുകഴിഞ്ഞു.

തെക്കുപടിഞ്ഞാറന്‍ ചൈനയിലെ സിച്വാന്‍ പ്രവിശ്യയിലുള്ള ചെങ്ടു നഗരത്തില്‍ ഇല്ലൂമിനേഷന്‍ സാറ്റലൈറ്റ് വികസിപ്പിക്കാനാരംഭിച്ചിട്ടുണ്ട് . നഗരത്തിലെ തെരുവുവിളക്കുകള്‍ പ്രകാശിപ്പിക്കാന്‍ ഉപയോഗിക്കുന്ന വൈദ്യുതി ലാഭിക്കുകയാണ് പ്രധാനലക്ഷ്യം.ലോകത്തെതന്നെ ആദ്യത്തെ മനുഷ്യനിര്‍മിത ചന്ദ്രന്‍ സിച്വാനിലെ സിചാങ് സാറ്റലൈറ്റ് ലോഞ്ച് സെന്ററില്‍ നിന്നാണ് വിക്ഷേപിക്കുക. ചന്ദ്രനോടൊപ്പംതന്നെ ഈ കൃത്രിമ ചന്ദ്രനും പ്രകാശം പരത്തും. ചന്ദ്രനില്‍നിന്ന് ലഭിക്കുന്നതിനേക്കാള്‍ എട്ടുമടങ്ങ് പ്രകാശം ഇതിനുണ്ടായിരിക്കുമെന്ന് ചൈനാ ഡെയ്ലി പത്രം റിപ്പോര്‍ട്ട് ചെയ്തു.

ചെങ്ടുവില്‍ മാത്രം 17 കോടി ഡോളര്‍ വര്‍ഷത്തില്‍ ലാഭിക്കാന്‍ കഴിയുമെന്നാണ് കരുതുന്നത്. 50 ചതുരശ്രകിലോമീറ്റര്‍ പ്രദേശത്ത് ഇത് വെളിച്ചംപരത്തും. സൂര്യനില്‍ നിന്നുള്ള വെളിച്ചം പ്രതിഫലിപ്പിച്ചാണ് ഈ ചന്ദ്രനും പ്രകാശം പരത്തുക. ദുരന്തബാധിതമേഖലകളിലെ രക്ഷാപ്രവര്‍ത്തനങ്ങള്‍ക്കും ഇത് സഹായകമാകുമെന്നാണ് കരുതുന്നത്.

ആദ്യ പരീക്ഷണം വിജയിച്ചാല്‍ 2022ഓടെ മൂന്നു ചന്ദ്രന്‍മാരെ’ക്കൂടി വിക്ഷേപിക്കുമെന്ന് പദ്ധതിക്ക് നേതൃത്വം നല്‍കുന്ന തിയാന്‍ ഫു ന്യൂ ഏരിയ സയന്‍സ് സൊസൈറ്റിയുടെ മേധാവി വു ചുന്‍ഫെങ് പറഞ്ഞു.

ഐറിഷ് മലയാളി ന്യൂസ് 

Scroll To Top