Thursday October 18, 2018
Latest Updates

ഡോ. സി. വിശ്വനാഥന്റെ പ്രഭാഷണം ഇന്ന് ഡബ്ലിനില്‍: ‘സാംസ്‌കാരിക ഏകീകരണം, പ്രവാസിയുടെ ആശങ്കകള്‍’, 

ഡോ. സി. വിശ്വനാഥന്റെ പ്രഭാഷണം ഇന്ന് ഡബ്ലിനില്‍: ‘സാംസ്‌കാരിക ഏകീകരണം, പ്രവാസിയുടെ ആശങ്കകള്‍’, 

ഡബ്ലിന്‍:കേരളത്തിലെ പ്രശസ്ത സാമൂഹിക ചിന്തകനും ശാസ്ത്ര പ്രചാരകനുമായ ഡോക്ടര്‍ സി വിശ്വനാഥന്റെ പ്രഭാഷണം ഇന്ന് വൈകുന്നേരം 6 മണി മുതല്‍ താലയില്‍ സ്‌പൈസ് ബസാര്‍ ഹാളില്‍ നടക്കുന്നു. ‘സാംസ്‌കാരിക ഏകീകരണം, പ്രവാസിയുടെ ആശങ്കകള്‍’ എന്ന വിഷയത്തെ അധികരിച്ചാണ് അദ്ദേഹം സംസാരിക്കുന്നതാണ്.

എസ്സന്‍സ് അയര്‍ലണ്ട് ആണ് പരിപാടി സംഘടിപ്പിക്കുന്നത്. പ്രവേശനം സൗജന്യമാണെന്ന് സംഘാടകര്‍ അറിയിച്ചു.

മനുഷ്യന്റെ കുടിയേറ്റങ്ങള്‍ക്കു മനുഷ്യവംശത്തോളം തന്നെ പഴക്കമുള്ളതാണ്. ആഫ്രിക്കയില്‍ നിന്ന് തുടങ്ങി യൂറോപ്പിലൂടെ പൂര്‍വേഷ്യന്‍ ഭാഗങ്ങളിലൂടെ സഞ്ചരിച്ച മനുഷ്യന്‍ വീണ്ടും അവന്റെ പ്രവാസം തുടര്‍ന്നുകൊണ്ടേയിരിക്കുന്നു. പ്രവാസികളായി എത്തുന്ന സമൂഹങ്ങള്‍ നേരിടുന്ന സാംസ്‌കാരിക വെല്ലുവിളികള്‍ എന്ന വിഷയത്തെക്കുറിച്ച് ആധികാരികമായി സംഭാഷണവും ചര്‍ച്ചകളുമാണ് ലക്ഷ്യം വയ്ക്കുന്നത്.

ഇന്ത്യന്‍ സംസ്‌കാരത്തില്‍ വളര്‍ന്ന നമ്മള്‍ അയര്‍ലണ്ടിലെ കുടിയേറ്റ ജീവിതത്തില്‍ കുട്ടികളെ എങ്ങനെ വളര്‍ത്തും എന്നത് പലപ്പോഴും ഒരു ആശങ്കയാണ്. പലപ്പോഴും പുതിയ സംസ്‌കാരത്തിലെ എന്തൊക്കെ ഉള്‍ക്കൊള്ളണം , തള്ളണം എന്നതൊക്കെ പലപ്പോഴും നമ്മള്‍ സ്വയം ചോദിക്കുന്ന ചോദ്യങ്ങളാണ്. ഇങ്ങനുള്ള നിങ്ങളുടെ ചോദ്യങ്ങളും ഉയര്‍ത്താനും ചര്‍ച്ച ചെയ്യാനുമുള്ള അവസരവും കൂടിയാണ് ഈ പരിപാടി.

ഇത്തരത്തില്‍ അയര്‍ലണ്ടില്‍ ആദ്യമായി നടക്കുന്ന ഈ പരിപാടിയിലേക്ക് എല്ലാവരെയും ക്ഷണിക്കുന്നതായി എസ്സെന്‍സ് അയര്‍ലന്‍ഡ് അറിയിച്ചു .

സമൂഹത്തില്‍ നിലനില്‍ക്കുന്ന തെറ്റായ പല ധാരണകളെയും ശാസ്ത്രീയ വീക്ഷണത്തിലൂടെ ഇഴകീറി പരിശോധിച്ചു് വ്യക്തമാക്കുന്ന അദ്ദേഹത്തിന്റെ പ്രഭാഷണങ്ങള്‍ ഇതിനോടകം വലിയ ശ്രദ്ധ നേടിയിട്ടുള്ള വയാണ്. വേദങ്ങള്‍, യാഗങ്ങള്‍, യോഗ, ധ്യാനം, ഹോമിയോപ്പതി, എന്നിവയിലെ അശാസ്ത്രീയതകള്‍ തുറന്നുകാട്ടുന്ന പ്രഭാഷണങ്ങള്‍ മലയാളികള്‍ക്ക് വളരെ പരിചിതമാണ്.

തൃശൂര്‍, കോഴിക്കോട് മെഡിക്കല്‍ കോളേജുകളില്‍ ഓര്‍ത്തോപീഡിക്ക് സര്‍ജന്‍ ആയി ജോലി ചെയ്തിട്ടുള്ള ഡോക്ടര്‍ സി വിശ്വനാഥന്‍ ഇപ്പോള്‍ ഒറ്റപ്പാലത്ത് പ്രാക്ടീസ് ചെയ്തു വരുന്നു.

കൂടുതല്‍ വിവരങ്ങള്‍ക്ക് 
0872263917 
0879289885
0876521572

Scroll To Top