Tuesday September 19, 2017
Latest Updates

ഡബ്ലിന്‍ എയര്‍പോര്‍ട്ടില്‍ ഇമിഗ്രേഷന്‍ പരിശോധനകള്‍ക്കായി ഓട്ടോമാറ്റിക് കവാടം സ്ഥാപിക്കുന്നു,സുരക്ഷാപിഴവുകള്‍ ഒഴിവാക്കുക പ്രധാന ലക്ഷ്യമെന്ന് മന്ത്രി 

ഡബ്ലിന്‍ എയര്‍പോര്‍ട്ടില്‍ ഇമിഗ്രേഷന്‍ പരിശോധനകള്‍ക്കായി ഓട്ടോമാറ്റിക് കവാടം സ്ഥാപിക്കുന്നു,സുരക്ഷാപിഴവുകള്‍ ഒഴിവാക്കുക പ്രധാന ലക്ഷ്യമെന്ന് മന്ത്രി 

ഡബ്ലിന്‍ :ഡബ്ലിന്‍ എയര്‍പോര്‍ട്ടില്‍ പുതിയ ഓട്ടോമാറ്റിക് കവാടം സ്ഥാപിക്കുന്നു. വിമാനത്താവളത്തിന്റെ സുരക്ഷ വര്‍ധിപ്പിക്കുന്നതിന്റെ ഭാഗമായി സ്ഥാപിക്കുന്ന ഈ സുരക്ഷാ കവാടം അടുത്ത മാസങ്ങളില്‍ പ്രവര്‍ത്തനസജ്ജമാകും.യാത്രക്കാരുടെ തിരക്കു നിയന്ത്രിക്കുന്നതിനും ഇത് സഹായകമാകും.

ഓട്ടോമാറ്റിക് പാസ്പോര്‍ട് വാലിഡേഷനും സുരക്ഷാ പരിശോധനയ്ക്കും ശേഷിയുള്ളതാണ് ഈ പുതിയ ‘ഇ’കവാടം.മുന്തിയ ഫേഷ്യല്‍ റിക്കഗ്‌നിഷന്‍ സാങ്കേതിക വിദ്യയാണ് ഇതിനായി ഉപയോഗിക്കുന്നത്.ബയോമെട്രിക് പാസ്പോര്‍ട്ടുകളുടെ ആധികാരികത പരിശോധിക്കാന്‍ ഇതിലൂടെ കഴിയും.ഉദ്യോഗസ്ഥര്‍ ദൂരെയിരുന്ന് നിയന്ത്രിക്കേണ്ട ആവശ്യമേ ഇതിനുണ്ടാവുകയുള്ളു.സുരക്ഷാ പരിശോധനയ്ക്കുള്ള ഉദ്യോഗസ്ഥരുടെ എണ്ണവും കുറയ്ക്കാനാവും.

ഇതിന്റെ ആദ്യ ഘട്ടത്തില്‍ 18കഴിഞ്ഞ ഐറീഷ്-യൂറോപ്യന്‍ യൂണിയന്‍ ഇ പാസ്പോര്‍ട്ടുകാര്‍ക്ക് ഈ ഓട്ടോമാറ്റിക് കവാടം ഉപയോഗിക്കാം.അതിര്‍ത്തി സംരക്ഷണത്തിലും കുടിയേറ്റ നിയന്ത്രണത്തിലുമുള്ള അയര്‍ലണ്ടിന്റെ വന്‍ കുതിച്ചു ചാട്ടമാകും ഈ സുരക്ഷാ കവാടങ്ങളെന്ന് മന്ത്രി ചാര്‍ളി ഫ്ളാനഗന്‍ പറഞ്ഞു.ഒരേ സമയം പ്രവര്‍ത്തിപ്പിക്കാവുന്ന നാല്‍പ്പതോളം ഗേറ്റുകളാവും സ്ഥാപിക്കുക.

Scroll To Top