Monday August 20, 2018
Latest Updates

അയര്‍ലണ്ടില്‍ ഇന്ത്യന്‍ ഡോക്റ്റര്‍മാരുടെ പോരാട്ടത്തിന് ഐ എം ഓ യുടെ സമ്പൂര്‍ണ്ണ പിന്തുണ:പ്രശ്ന പരിഹാരം തേടി ലിയോ വരേദ്കറുമായി ചര്‍ച്ച നടത്തും 

അയര്‍ലണ്ടില്‍ ഇന്ത്യന്‍ ഡോക്റ്റര്‍മാരുടെ പോരാട്ടത്തിന് ഐ എം ഓ യുടെ സമ്പൂര്‍ണ്ണ പിന്തുണ:പ്രശ്ന പരിഹാരം തേടി ലിയോ വരേദ്കറുമായി ചര്‍ച്ച നടത്തും 

ഡബ്ലിന്‍ :ട്രെയിനിംഗ് പോസ്റ്റുകള്‍ ലഭിക്കാന്‍ ഇന്ത്യന്‍ ഡോക്ടര്‍മാര്‍ നടത്തുന്ന പോരാട്ടത്തിനു പിന്തുണയുമായി വീണ്ടും ഐറിഷ് മെഡിക്കല്‍ ഓര്‍ഗനൈസേഷന്‍ . കില്ലാര്‍ണിയില്‍ ഇന്നലെ നടന്ന സംഘടയുടെ വാര്‍ഷിക സമ്മേളനത്തിലാണ് പ്രഖ്യാപനം. അയര്‍ലണ്ടിലെ അയ്യായിരം ഡോക്ടര്‍മാരെ ഉള്‍കൊള്ളുന്നതാണ് സംഘടന.

തീരുമാനത്തില്‍ ഓവര്‍സീസ് മെഡിക്സ് ഓഫ് അയര്‍ലണ്ട് ഐഎംഓ യെ അഭിനന്ദിച്ചു. അയര്‍ലണ്ടില്‍ പണിയെടുക്കുന്ന എല്ലാ നോണ്‍ യൂറോപ്യന്‍ യൂണിയന്‍ ഡോക്ടര്‍മാര്‍ക്കും തുല്യ അവസരം ആവശ്യപ്പെട്ടു നടക്കുന്നതാണ് സമരം. ഐഎംഓ യുടെ പിന്തുണ സമരത്തിനു നവോന്മേഷം പകരും. ഡോക്ടര്‍മാരുടെ അപര്യാപ്തത മൂലം കഷ്ടപ്പെടുന്ന അയര്‍ലണ്ടിലെ സാധാരണക്കാര്‍ക്ക് കൂടി വേണ്ടിയുള്ളതാണ്
സമരമെന്നും സംഘടന പറഞ്ഞു.

പ്രശ്‌നത്തെ ക്കുറിച്ച് കൃത്യമായ അവബോധമുള്ള പ്രധാനമന്ത്രി ലിയോ വരേദ്കറെ നേരില്‍ കണ്ട് ഐറിഷ് മെഡിക്കല്‍ അസോസിയേഷന്റെ സഹായത്തോടും പിന്തുണയോടും കൂടി വീണ്ടും ഉന്നയിക്കുമെന്നും ഇക്കാര്യത്തെ ക്കുറിച്ച് നേരിട്ട് ചര്‍ച്ച ചെയ്യുമെന്നും സംഘടന ഭാരവാഹികള്‍ അറിയിച്ചു.

അടുത്ത വര്‍ഷത്തേക്കുള്ള ട്രെയിനിംഗ് പോസ്റ്റുകള്‍ ഒക്ടോബറില്‍ ആരംഭിക്കും. ഇതിനു മുന്‍പായി പ്രശ്നത്തിന് ഒരു ശാശ്വത പരിഹാരം കാണാനാണ് സംഘടന ശ്രമിക്കുന്നത്. ഇന്ത്യന്‍ ഡോക്ടര്‍മാരുടെ അപേക്ഷകള്‍ പരിഗണിക്കുന്നതില്‍ വരുന്ന കാലതാമസമാണ് സംഘടന പോരാടുന്ന മറ്റൊരു പ്രധാന വിഷയം. നിലവില്‍ ഇത് രണ്ടു വര്‍ഷമാണ്.യൂറോപ്യന്‍ യൂണിയന്‍ രാജ്യങ്ങളിലെ അപേക്ഷകളിന്‍ മേല്‍ രണ്ടു മുതല്‍ നാലു വരെ മാസംകൊണ്ട് തീര്‍പ്പാവുന്നയിടത്താണിത്.

പാകിസ്ഥാന്‍,സുഡാന്‍ എന്നി രാജ്യങ്ങളില്‍ നിന്ന് പോലുമുള്ള ഡോക്റ്റര്മാര്ക്ക് അയര്‍ലണ്ടില്‍ യഥേഷ്ടം അവസരം ഉപരിപഠനത്തിന് ലഭിക്കുമ്പോള്‍ ഇന്ത്യന്‍ ഡോക്റ്റര്‍മാര്‍ കടുത്ത അവഗണനയാണ് അനുഭവിക്കേണ്ടി വരുന്നത്.

Scroll To Top