Monday November 20, 2017
Latest Updates

അയര്‍ലണ്ടിലെ ജീവനക്കാര്‍ക്ക് വീട് വാടകയ്ക്കെടുക്കാന്‍ പലിശരഹിത വായ്പ നല്‍കാന്‍ കുത്തക കമ്പനികള്‍,വാടക വിപണിയില്‍ മത്സരം മുറുകും 

അയര്‍ലണ്ടിലെ ജീവനക്കാര്‍ക്ക് വീട് വാടകയ്ക്കെടുക്കാന്‍ പലിശരഹിത വായ്പ നല്‍കാന്‍ കുത്തക കമ്പനികള്‍,വാടക വിപണിയില്‍ മത്സരം മുറുകും 

ഡബ്ലിന്‍ :വാടകയ്ക്ക് വീട് ലഭിക്കാനുള്ള ഭാരിച്ച ചിലവ് താങ്ങാനാവാതെ ഡബ്ലിന്‍ നഗരത്തിലേക്കുള്ള ജോലി ഓഫറുകള്‍ ഒഴിവാക്കുന്നവര്‍ക്കായി ഏതാനം കമ്പനികള്‍ പ്രഖ്യാപിച്ച ആനുകൂല്യങ്ങള്‍ കൂടുതല്‍ സ്ഥാപനങ്ങള്‍ പിന്തുടരുമെന്ന് സൂചകള്‍.

രാജ്യത്തെ ഏറ്റവും വലിയ തൊഴില്‍ ദാതാവായ ഇവൈയാണ് ഡബ്ലിനില്‍ വാടകയ്ക്ക് താമസിക്കുന്ന കമ്പനി ജോലിക്കാര്‍ക്കായി പലിശരഹിത വായ്പകള്‍ ആദ്യമായി ഏര്‍പ്പെടുത്തിയത്..അക്കാഡമിക് ആന്‍ഡ് അഡ്വൈസറി ഭീമനായ ഐഐ മാനേജിങ് പാര്‍ട്ണര്‍ മൈക് മക്കര്‍ ആണ് ഇക്കാര്യം വെളിപ്പെടുത്തിയത്.ഇതിലൂടെ ഡബ്ലിനിലെ പ്ലേസ്മെന്റുകള്‍ കാര്യക്ഷമമാക്കുന്നതിന് സാധിക്കുമെന്നാണ് കമ്പനി വിലയിരുത്തുന്നത്.

കമ്പനിയിലെ ജീവനക്കാരായവര്‍ക്ക് പലിശരഹിത വായ്പകള്‍ നല്‍കുന്നതിലൂടെ ഡബ്ലിനില്‍ താമസിക്കുന്നതിനുള്ള തടസ്സം നീക്കാന്‍ അവരെ സഹായിക്കാനാകുമെന്നു മൈക് മക്കര്‍ വ്യക്തമാക്കി.
ഡബ്ളിന്‍ സിറ്റി സെന്ററിലെ ശരാശരി വാടക ഇപ്പോള്‍ പ്രതിമാസം 1,741 യൂറോയാണ്.എന്നിരുന്നാലും ഒരു സ്ഥലം കണ്ടെത്തുന്നതിന് ആഴ്ചകളോളം എടുത്തേക്കാം.ഭൂരിഭാഗം ഭൂഉടമകളും രണ്ട് മാസത്തെ വാടക ഡിപ്പോസിറ്റാണ് ആവശ്യപ്പെടുന്നത്. കമ്പനി വായ്പ നല്‍കുന്ന പണം ശമ്പളത്തില്‍ നിന്നും കുറേശ്ശെയായി പിന്‍വലിക്കാന്‍ കഴിയും, അതിനാല്‍ തൊഴിലാളികള്‍ക്കൊരു മുന്‍കൂര്‍ നേട്ടമാണ്.അയര്‍ലണ്ടില്‍ ഏഴ് ഓഫിസുകളാണ് കമ്പനിക്കുള്ളത്.അതിനാല്‍ വായ്പാ പദ്ധതി ഡബ്ലിനില്‍ ആവശ്യമാണ്.

താമസസൗകര്യം പ്രതിസന്ധിയിലായാല്‍ ചില ജീവനക്കാരെങ്കിലും കമ്പനി വിടുമെന്ന അപകടമുണ്ടെന്നും പുതിയ പദ്ധതിയിലൂടെ അതൊഴിവാക്കാമെന്നും മൈക് മക്കര്‍ പറഞ്ഞു.കഴിഞ്ഞ സാമ്പത്തിക വര്‍ഷത്തില്‍ 248 ബിരുദധാരികളെയാണ് കമ്പനി നിയമിച്ചത്

ഭവനവായ്പയുടെ അഭാവം രാജ്യത്തിന് നിക്ഷേപം കുറയ്ക്കുന്നുവെന്ന് അയര്‍ലണ്ടിലെ അമേരിക്കന്‍ ചേമ്പര്‍ ഓഫ് കൊമേഴ്സ് മുന്നറിയിപ്പ് നല്‍കിയിരുന്നു.ജീവനക്കാരുടെ എണ്ണം കുറയുന്നതിനും ഇത് കാരണമാകും.

Scroll To Top