Thursday October 18, 2018
Latest Updates

അഭിഷേകത്തണലില്‍ ആയിരങ്ങള്‍.’ലിമെറിക്ക് ബൈബിള്‍ കണ്‍വെന്‍ഷന്‍’ ഇന്ന് സമാപിക്കും

ലിമെറിക്ക് : ലിമെറിക്ക് സെന്റ് മേരീസ് സീറോ മലബാര്‍ സഭയുടെ ആഭിമുഖ്യത്തില്‍,അട്ടപ്പാടി സെഹിയോന്‍ ധ്യാന കേന്ദ്രത്തിന്റെ ഡയറക്ടര്‍ ഫാ.സേവ്യര്‍ഖാന്‍ വട്ടായിലിന്റെ നേതൃത്വത്തിലുള്ള സെഹിയോന്‍ ടീം നയിച്ചുകൊണ്ടിരിക്കുന്ന ‘അഭിഷേകാഗ്‌നി 2018’ ത്രിദിന ബൈബിള്‍ കണ്‍വെന്‍ഷന്‍ ഇന്ന് സമാപിക്കും.

ലിമെറിക്ക്, പാട്രിക്സ്വെല്‍,റേസ്‌കോഴ്‌സ് ഓഡിറ്റോറിയത്തില്‍ വച്ച് നടക്കുന്ന ധ്യാനത്തിന്റെ രണ്ടാം ദിവസമായിരുന്ന ഇന്നലെ ലിമെറിക് രൂപതാ ബിഷപ് മാര്‍.ബ്രെണ്ടന്‍ ലീഹി കുട്ടികള്‍ക്കും മുതിര്‍ന്നവര്‍ക്കും വചനസന്ദേശം നല്‍കി. ഫാ.സേവ്യര്‍ഖാന്‍ വട്ടായില്‍ ,ഫാ.സോജി ഓലിക്കല്‍ തുടങ്ങിയവരുടെ ആത്മീയ പ്രഭാഷണങ്ങളും, ശുശ്രുഷകളും ആയിരങ്ങള്‍ക്ക് അഭിഷേകവും സൗഖ്യവും പകരുന്നു.

കുട്ടികള്‍ക്കുള്ള ധ്യാനം,സ്പിരിച്ച്വല്‍ ഷെറിങ്, എന്നിവ സെഹിയോന്‍ മിനിസ്ട്രി യു.കെ യുടെ നേതൃത്വത്തില്‍ നടക്കുന്നു.

കണ്‍വെന്‍ഷനില്‍ പങ്കെടുത്ത് കൂടുതല്‍ അഭിഷേകവും വിശുദ്ധിയും പ്രാപിക്കാന്‍ ഏവരെയും ക്ഷണിക്കുന്നതായി സീറോ മലബാര്‍ സഭ ലിമെറിക്ക് ചാപ്ലയിന്‍ ഫാ.റോബിന്‍ തോമസ് അറിയിച്ചു

വാര്‍ത്ത : റോബിന്‍ ജോസഫ്

Scroll To Top